Le poesie di Totò Varone: Cincufrundi sdarrupatu

Da oggi pubblichiamo le poesie dialettali dell'avv. Totò Varone. Lui non vuole si chiamino poesie, e in effetti sono storielle in versi, spesso molto divertenti, qualche volta amare o sarcastiche, dedicate a fatti e persone della vita paesana, e talora anche a altri eventi. 

Come nel carattere dell'autore, non c'è mai cattiveria o polemica nei versi dialettali di Varone, anche quelli apparentemente più pungenti, semmai c'è allegria e quel pizzico di sana ironia e autoironia che rende la vita meno noiosa. La leggerezza dei versi di Varone è proverbiale, nessuno sognerebbe mai di arrabbiarsi per le sue liriche.

Quella che pubblichiamo oggi è l'ultima poesia in ordine di tempo, che Varone ha finito di scrivere in questi giorni e s'intitola Cincufrundi sdarrupatu. 

I versi di Varone vengono riprodotti in originale, per come l'autore li ha vergati. 

Cincufrundi sdarrupatu

 

Nc’issi nu jornu a Maria Annunziata

Di Marcellu ntra la macelleria,

ca pe’ li fossi ch’ennu in ogni strata

nci pozzu fari po’ na poisia:

 

siccomu sugnu omu di palora

e, certu, mi canusci tanta gente

doppu chi nescia de’ jà pe’ fora

a la casa la fici tempu nenti.

 

Già cacciastivu fora li banderi

E l’erbi de jà ssutta a Pizzicatu,

ma sdarrupati comu li carreri

su li strati ntra tuttu l’abitatu;

 

e di sicuru sana no nc’è una

cuminciandu di supa a jiri vasciu:

chi nesci fora ognunu si nd’adduna

ca Cincufrundi è tuttu nu sbalasciu.

 

Di La Malfa jà ssupa und’è la via

Siccomu ad ognu metru nc’è na fossa,

si va zumparijandu (arrassussia)

comu quandu si pigghja carchi scossa;

 

nu morzu cchiù pe’ jà di ‘Villa Elisa’

nu jornu di catrami n’ajiccata

doppu chi ntra la strada fudi misa

cu’ ddu scighali è mò cchiù pezzijata.

 

Nescendu de jà ssutta und’è la Coop

A nu puntu nd’avimu di fermari

Comu qundo di frunti nc’è nu stop

ca na fossa è chhiù funda di lu mari;

 

pè Aracri e pe’ tuttu Pizzicatu

jà li fossi si cuntano a decini;

cu eni a li lavuri ‘ncarricatu

ccà si la fa dormendu a sonni chini:

 

comu agghjru pe’ misi sutta terra

s’accuppa a lungu sunta a lu coscinu

mancu cu cannunati di na guerra

sbritta di ntra lu lettu lu matinu;

 

e Conia, lu primu cittadinu,

pari, forzi, ca è disamuratu:

s’è cusì, ha mu trova nu parrinu

mu si cumpessa pe’ stu gran peccatu.

 

Totò Varone, marzo 2022